MEET Platforma si dinamično onlajn projekto savo si gindisardo te del dumo e promocijake e mentalno sastipaski maškar e terne. Voj anel praktikano kompleto alatkengo vaš e profesionalcurja ande formalno thaj neformalno sikljovipe thaj labjarne materialurja vaša sikljovipe e ternenge, uladutne kdolenge katar e xaćarne grupe, e ternenge save naj ande bući, naj ando sikljovipasko sistem vaj ande edukacia (NEET), e ternenge save nibades mukhline o školovipe, thaj aver dukhadine grupe.
Ma te san sikljarno, ternengo bućarno, undarno vaj terno manuš savo rodel dumo, e platforma unzarel e resursurja save si klaro, praktikane thaj lokhe vaš labjaripe. Katar e kontrolišime metodologie thaj karingimata vaša labjaripe dži ko interaktivno materialurja lačhardutne e ternenge, MEET platforma mažutil te o obrazovanje pala o mentalno sastipe paruvelpe ando konkretno thaj gindutno kerdipe.
Vaša e profesionalcurja
Den dumo po obrazovanje pala o mentalno sastipe e sarbarrestar thaj paćamosa ande peste.
Arakhen praktikane resursurja save mažutin tumen te gindisaren, inkalaven thaj vazdisaren e aktiviteturja karingdutne po mentalno sastipe e ternengo. E alutni e alatengo inkerel:
- xaranipe katar implementacia e pilot programengo thaj dikhimata
- teorisko unzardipe
- mothodipe e aktivistengo paso po paso
- pučhimata vaš refleksia
- šajutne daravimata thaj čarundipe
Kadala alatke si gindisarde te mažutin e džanglutaren te labjaren o obrazovanje pala o mentalno sastipe ande ververutne trujalimata, te pašarenpe pe aver konteksturja thaj te barjarelpe lengo baxtagorimasko labjaripe.
Vaša e terne
Sićo, ker rodimata thaj den dumo
po baxtaripe ando varo
savo tuke majlačhes plaćalpe.
E platforma unzarel materialurja vaš sikljovipe save si lokhe vaš pašaripe, interaktivne thaj kerdine te godorisaren e trubulimata e ternengo, uladimasa kodolenge save mamujdipenpe e bilačhe trujalimasa vaj socialno tradine. E kothanipasa savo si karingdutno pe terne thaj e inćarimata save vazdisaren o aktivno lelipe, kadala materialurja mažutin e ternen te:
- majlačhe xaljaren o mentalno baxtaripe thaj o mentalno sastipe
- gindisaren pal pesko xaranipe thaj xaćarimata
- barjaren labjarne trajimaske thaj socioemocionalne xaranimata
- den dumo peske thaj peskre lipale beršutnenge
Soste MEET platforma?
Kothal soste o bajo pala o mentalno sastipe trubul te avel:
- lokhes dikhljarno pala sa e terne
- praktikano vaša e edukatorurja thaj ternutne bućarne
- interaktivno thaj vasno ando čačutno trajipe
- inkluzivno vaša e manuša ververutne vicako thaj trubulimaske
- inspirativno vaša e terne sar aktivne inđarutnen save keren e paruvimata
Keren rodimata po alaturja. Barjaren tumare xaranimata. Vazdinen o baxtaripe. Teljaren e paruvimata.
Den šird pe rodimata e MEET platformako ućom adives.
Pukjaren e alaturja, e metode thaj e edukativne materialurja save mažutin ando therdipen pala majvazdutno, inkluzivno thaj mentalno sastarno trujalipe vaš e terne.
