Pala MEET Platforma
Kadaja platforma anel zbirka resursengi pala e praktikantura thaj terne. E kolekcia pripremisarde e partnerurja ando MEET projekto.
O proceso keripasko sas katar kadala pasurja:
Maj anglal sa e partnerurja khedinde ukupno 100 egzistirime alaturja thaj materijalurja sikljovipaskere. Pala godova, e partnerurja sarkon alato thaj materijalo sikljovipasko detaljno opisarde pala lesko reslin, dizajno, planirimi reslinaki grupa, pašutno truj pala labjaripe, sar vi pala šajipe pašaripasko ulade čhibenge, trujenge thaj resline grupenge.
Dujtone, pe fundi kadale pregledosko, sarkoni partnersko phuv alosarda konkretne alaturja thaj materijalurja sikljovipaskere save ka aven pilotirime e ukupno 350 ternenca. E alosarde alaturja thaj materijalurja pala godova sas labjarde ande ulade konteksturja, sar si škole, lokalne khedina thaj ternengere kluburja. O labjaripe sarkana sas ingerdo thaj dikhljardo katar pašutno stručnjako, sar si ternengoro bućarno, organizacia savi direktno kerel bući e ternenca, psihologo thaj projektno partnero. Pala labjaripe, o partnerstvo kerda detalno moldipen khetane e stručnjakenca thaj ternenca.
Tritone, pe fundi kadaja moldipaski, sar vi e xaranimatengo e facilitatorengo, e alaturja thaj e materijalurja sikljovipaskere sas pašarde te po majlačho čhand den dumo sa e resline grupenge e projektoske, lelindoj vi e ranljive ternen. Kadava lelindas pašaripe čhibako ulade beršutne grupenge, thodipe rekomendacijengo e stručnjakenge pala godova kana thaj sar si majlačhe te labjaren o alato, sar vi šajutne strategie pala ciknjaripe e darengo.
O rezultato si zbirka 15 alaturjengi e praktikantenge thaj 15 materijalurjengi sikljovipaskere, save o MEET konzorcijumo pašarda ande sažeto forma pe 11 europake čhibja thaj 3 verzije rromane čhibake.
E člankurja e ternenge thaj stručnjakenge si fundisarde pe publikane vastane informacije katar e resursa save si dine ande tabele maj tele. O sadržaj pašarde thaj sažisarde e projektne partnerurja save si dine ande tabele maj tele, pala edukaciake reslina thaj pala vazdipe džanglipasko pala mentalno sastipe. Sa e hakaja pe originalne materijalurja ačhen lengere pašutne malikenge.
Ažukarasa kaj kadala resursa ka aven tumenge labjarde.
