E standardurja e šukarimaske po interneto
O inđarno e undarimatenca vaš o mamujdipen e standardurjenca e šukarimaske ande virtualno lumj
1. Soste kadaja tema šaj te avel vasno pala mande?
Boldes prekal mothodimata pe socijalne drakhina. But šukar morći, uže trupurja, stilizujime gada – dikhelpe kaj ando onlajn savorre sa vakti si perfektno. Pal jekh vrjama, les te dikhes so si tusa a so averenca pe fotografije. Phučhes tut jal bi trubulas vi tu aver čhand te sikavestu jal kaj vareso pahangles tusa naj „basta mišto”.Ove situacije su veoma česte.
E socijalne drakhina si vasno kotor e saikto dives pala bututne terne manuša, a e tasvira save dikhas šaj te sikaven amen po kodo sar dikhasa o šukaripen thaj amaro bojo. Prekal jekh studija pe Saferinternet.at, 65% e ternenge phenel kaj o inćaripen pe socijalne drakhina tradel e ternen pe kodova sar von dikhen o šukaripen.
Maškar kodova, bututne katar kodola pilte si kerdine, šukardine prekal e filterurja jal lačharimasa thodine. E influenserurja butivar sikaven peski idealno verzija, vaš kaj lengo bojo ando onlajn si jekh kotor lengere bućako. Te bi e socijalne drakhina zurarenspe, a na te bi čišljarenas o sarbarripen, vasno si te xaljovelpe sar kadala platforme sikaven amen te dikahas e pilta savi si amen pala amende, thaj save zumavdimasa andar kodova šaj te arakhas amen.
2. Pe save pučhimata trubul te delpe godorlin?
Kadaja pustikorri sikavel sar e standardurja e šukarimaske kerdonpe thaj buxljardonpe ando onlajn. Maškar kodova, del vi undarimata sar kritikano te gindisarelpe pala e norme e šukarimaske po interneto, sar majnojes te avelpe pe socijalne drakhina, thaj sar korkorutnes te kerelpe o inćaripen pala savo lijan tu, thaj sar te ciknjarelpe o pheraj „savaxt te kerelpe bući pe peste” thaj o mangipen ka perfektno šukaripen.
XOXAVNO ŠUKARIPEN
Varesave phučhimata save therenpe si:
- Soste but e tasvira pe socijalne drakhina sikaven bičače standardurja e truposke?
- Sar e filterurja, aplikacije pala therdipe e fotografijenge thaj e influenserurja xoxavimasa sikaven amaro dikhipe e šukaripako?
- Sar savaxt dikhipe so si tusa a so averenca ando onlajn šaj te tradel pe amaro sarbarripen?
- Sar šaj kritikanes te gindis tu pala o inćaripe savo dikhes pe socijalne drakhina?
- So šaj te keres te vaš e socijalne drakhina xaćares o pharaj vaš ćiro bojo?
O vakeripe mažutil te amboldas o dikhipen pe bičače standardurja e šukarimaske
E socijalne drakhina butivar den napalipe pe sinorro dikhipe sar o trupo trubul te dikhelpe. Kana e terne savaxt dikhen e lipali tasvir e „perfektno” truposki, majphares si lenge te avel lenge ande godi sar dikhen aver trupurja ande naturako ververipe.
Soste si vasno o phutardo vakeripe.
O vakeripe e amalença, e dadenca, e sikljarnenca jal aver manušenca save si tuke paćivale, pala o ververipe e trupurengo, šaj te mažutil te barjarelpe majčačo thaj realistikano vi majsasto dikhipe pe bojo. Kadala vakerimata šaj vi te ciknjaren o pharaj thaj te barjaren o sarbarripen.
Varesave xurdimata sakajda šaj te mažutin:
- letu pala nalogurja save sikaven majbut ververipe thaj savesa xaćares tut majmišto;
- garav e „lajkurja” te kodola đinde barjaren ćiro pharaj;
- na letu pala o inćaripe savo kerel tut te dikhes savaxt so si tusa a so averenca;
- ambolde e idealurja e šukarimaske save denpe napalipe ando onlajn;
- de zor averenge save maren prasape jal krisaren vaš lengo bojo.
Te tut del bajo sar dikhes tut korkoro, vasno si te vakeres varekasa saveske paćas jal te rodes profesionalno mažutipe
